Jæja nú er maður komin heim (Ak-city) og nýtur þess í botn.

Egyptaland var rosalega flott en ekki myndi ég nenna að umgangast egypta meira á næstunni. Algengastu setningarnar mínar þarna úti voru:
How much?
no i only pay 10
no i don´t pay money for using the bathroom!
No
No, i don´t need a taxi!
ásamt fleirum fleigum línum.
Reyni kannski að skellainn mynd annars treysti ég á Sigga Frey að setja inn myndir á sína síðu.

Hvað varðar stjórnmálin þá er ég nokkuð sáttur og ég hef trú á því að þessi ríkistjórn geti gert eitthvað af viti (vonandi).
Og hvað varðar meistardeildina þá er ég fegin að úlpurnar unnu hana ekki aftur.

Vinnan byrjar svo á miðvikudag og það er nýtt í ár....já ekki rúmfó heldur Intrum.

 

Jæja fer á morgun (dag) til London og síðan til Egyptalands

Vona að ég verði ekki sprengdur

Mun ekki blogga alveg á næstunni en ljóst er (þó með fyrirvara) að VG og Sjálfstæðismenn eru nokkurs konar sigurvegarar þó svo að samfylkingin hafi bætt við sig miðað við KANNANIR.

Jæja nenni ekki að segja meira um kosningarnar og stjórnmál

Kv. Helgi Már 

Sökum mikilla anna við prófatöku á mun þetta vera mjög stuttur pistill ef svo má kalla hann.

byrjum á kosninganiðurstöðu lesenda(athygli er vakin að Frjálslyndir fengu engin atkvæði og finnst mér það mjög gott) :
D:31%
I:23%
VG: 23%
S:15% (sölli máttir bara kjósa einu sinni)
B: 8%

Efast um að þetta verði niðurstaðan á laugardaginn en sjáum til.

Þeir sem þekkja mig vita að ég er hægri sinnaður þ.e. vil að ríkið sé frekar að skapa gott umvherfi fyrir atvinnulífið og einstaklinga frekar en að koma með beinum hætti að uppbyggingunni. Því hef ég ekki verið mjög sáttur með ríkisstjórnina þó svo að hún hafi staðið sig ágætlega og að mínu mati eflaust betur heldur en aðrir flokkar hefðu gert.
Þegar ég var að greiða utankjörfundar atkvæðið í vikunni þá áttaði ég mig á einu, ÉG HEF ALDREI KOSIÐ SJÁFLSTÆÐISFLOKKINN og hef ég nú kosið 3svar sinnum! Fann ég þó fljótt ástæðu fyrir því og er hún einfaldlega sú að Sjallarnir eru ekkert ekta hægri flokkur! Þeir eru t.d. ekki búnir að lækka tolla og eru með því t.d. að halda uppi handónýtu bændakerfi!

Nenni ekki að koma með fleiri dæmi en skal glaður gera það eftir útskriftarferðina sem byrjar jú á sunnudaginn.

Lifið heil og nýtið kosningarétt ykkar á réttan hátt , lifi umhverfið
X:I

Jæja, nú er farið að styttast í kosningarnar og ekki seinna vænna að koma með smá samantekt.
Þegar á kosningabaráttuna er litið þá eru í raun engin stór málefni sem hafa verið mikilvægari en önnur, fyrst komu reyndar frjálslyndir með útlendinga bombuna sem virtist ætla að gera þá að stærri flokki en þeir eru í dag. Næst kom áróður um umhverfismál sem hafa svo heldur ekki náð alvöru fótfestu sem aðal kosningamálið. Þarnæst komu velferðarmálin og biðlistatalið en ekki verður heldur séð að náðst hafi að gera það að hinu stóra kosningamáli. Einnig hefur verið mikil umræða um efnahagsmál þjóðarinnar en ég er á því að það málefni hafi heldur ekki náð þeirri hæð sem það ætti að hafa náð í umræðunni! Niðurstaðan er því sú að ekkert málefni náði að skína yfir hin og umræðan hefur því orðið frekar dauf( kannski ekki bara málefnunum að kenna.

Einnig hefur verið lítið um alvöru kappræður (ekki bara þessa léilegu borgarafundi!)sem hefðu átt að geta verið líflegar, ég er á því að þessir íslensku fréttamenn kunni ekki að skapa alvöru kappræður hvort það sé annaðhvort fáfræði eða kunnáttuleysi þeirra (þ.e. stjórnandanna) um að kenna!

Evrópumálin eru stór málaflokkur sem ég hreinlega skil ekki afhverju flokkarnir geri ekki meira mál úr! Evrópuumræða gæti verið stórt kosningamál en svo virðist sem flokkarnir séu hræddir við að umræðan muni ekki heilla landann. Þó má geta þess að samfylkingin hefur rætt evrópumálin eitthvað þó að sú umræða sé ekki mjög áberandi núna(allavega ekki að mati undirritaðs). Einnig finnst mér merkilegt að 3-skipting ríkisvaldsins hafi ekki verið meira í umræðunni þar sem jú við eigum að hafa 3-skipt ríkisvald sem er það ekki í dag! Þar á ég við að þingmenn eru ráðherrar og því löggjafar og framkvæmdarvald farið að skarast! Þó er einn flokkur með það á stefnuskrá sinni og er það Íslandshreyfingin.

Hér á eftir kemur stutt um hvern flokk en þess má geta að sem betur fer hættu ellismellirnir við enda hafa þeir margt þarfara að gera.

Framsókn: Flokkur sem hefur verið í ríkistjórn í 12 ár og verða sumir því eflaust fegnir að losna við þá þaðan. Byggir á gömlum gildum en er að reyna að halda lífi með því að nútímavæða sig þó að ég telji að slíkt hafi ekki tekist sérstaklega ekki með að velja gamlan smell (Jón S.) til að taka við af Halldóri! Að venju þá hafa þeir eytt miklu í kosningarbaráttunni og spurning hvort það muni skila sér 12. maí. EÐA SEGIR ÞJÓÐIN STOPP???

Sjálfstæðisflokkurinn: Búin að vera við völd í 16 ár! sumir segja að tími sé komin til að skipta og að það sé nauðsynlegt fyrir þjóðina. Þó má geta þess að gífurleg breyting hefur orðið á Íslandi síðustu 16 ár þó misjafnt hvort fólk telji breytingarnar hafi verið góðar eður ei. Hafa verið tiltölulega spakir í að auglýsa en hafa þó lagt aðaláhersluna í sínum málum á að efnahagstjórn sé góð og að þeir hafi síðustu ár haldið rétt á spöðunum. Spurning hvort þjóðin sé sammála 12. Maí?

Frjálslyndi flokkurinn: Einna málefna flokkur segja sumir og eftir að hafa fylgst með síðustu daga þ.e. skoðað auglýsingar þeirra þá verð ég að vera sammála því. Reyndu að milda stefnu sína gagnvart útlendingum og eru m.a. með hina umtöluðu "innflytjendur" á listum sínum, merkilegt? Vill þjóðin breyta kvótakerfinu? kemur í ljós 12. maí.

Íslandshreyfingin: Nýr flokkur með "klikkaðann" leiðtoga. Góðar hugmyndir og í rauninni fyrirmyndar hægri stefna að mörgu leyti + að umhverfið á að fá að njóta sín. Einnig má geta þess að Ómar er uppspretta margra góðra hugmynda og væri því eflaust fínn á þingi. Kom framboði fram of seint? Því verður svarað 12. Maí.

Samfylkingin: Stefnulaus flokkur eða? Fín málefni, sérstaklega hvað varðar sum efnahagsmálin.Einnig ánægulegt að þau vilji skoða Evrópumálin betur. Einn helsti gallinn við samfylkinguna er eflaust formaður þeirra! þ.e. það líkar ekki mörgum við Ingibjörgu og því gæti það skaðað flokkinn útávið. Virðist vera að ná auknu fylgi uppá síðkastið en er það nóg eða setur þjóðin Samfylkinguna aftur á bið(lista)? Sjáum til 12. Maí.

Vinstri Grænir: Virðist vera á miklu skriði enda náð að virkja umhverfis hugsunina í mörgum vinstri manninum. Hafa góðan formann sé ég vil meina að sé nauðsynlegur á þinginu. Hafa oft gengið fulllangt t.d. Ögmundur sagði að allt eins gott væri að vísa bönkunum úr landi (sagði það basicly). Einnig má velta því fyrir sér hvernig þeir vilja fjármagna þjóðarskútuna þ.e. til að ná fram þeim skattabreytingum sem þeir vilja. Helsta barátta þeirra 12. Maí verður hvort þjóðin fylki sér saman um umhverfið.

Jæja nú er nóg komið í bili. Næst mun ég birta mína skoðun þ..e hvaða stefnu ég fylgi ásamt því að ég mun birta niðurstöðuna á því hvaða flokk lesendur mínir ætli að kjósa og trúi ég því að niðurstaðan muni endurspegla þjóðfélagsandann.

Helgi Már 

Já nú er komið að "stóra" flokknum eða réttara sagt Dabba flokknum. Kannski er það rangnefni að kalla Sjálfstæðisflokkinn Dabba flokk í ljósi breytinganna sem hafa orðið á forystu hans og ekki síst vegna gagnrýni Dabba sjálfs á stefnu ríkistjórnarinnar, því mun ég halda mig við nafnið Sjálfstæðisflokkurinn.

Straumhvörf urðu þegar Davíð hætti og fór í Seðlabankann, Geir tók við og á enn eftir að sanna það að hann sé verðugur arftaki krúnunnar ef svo má segja. Spurning hvort formannsskiptin muni breyta miklu fyrir Sjálfstæðisflokkinn þar sem kjósendur þeirra eru nokkuð traustir, allavega er ljóst að það kemur í ljós 12. maí hvort brotthvarf Davíðs muni hafa mikil áhrif.

Sjálfstæðismenn hafa verið við völd í um 16 ár og þar af 12 ár með framsókn. Margt hefur gerst á þeim tíma og mikil uppsveifla í atvinnulífinu hefur einkennt þennan tíma. Skattar hafa lækkað (% lega séð), fyrirtæki hafa flest hver blómstrað og atvinnuleysi er nánast ekki til. Þó eru ekki allir á eitt sáttir og segja t.d. að ójöfnuður hafi aukist og þjónusta við hinn almenna borgara hafi minnkað. Ekki ætla ég að þræta fyrir það að allavega einhver aukning hefur verið á ójöfnuði og þjónustan við hinn almennaborgara hefur ekki aukist í samræmi við aukna velmegnun þjóðarinnar. Hinsvegar þá er ég ekkert viss um að ríkið eigi þar alla sök þar sem við jú uppskerum það sem við sáum (allavega í flestum tilfellum). Búið er að einkavæða flest allt og hefur það gefið góða raun sbr. bankanna, næsta skref viðist vera orkufyrirtækin og lýst mér vel á það en þó vil ég að gætt sé að hagsmunum þjóðarinnar og ekkert gert í flýti!

Helstu málefni (eins og venjulega tekið áhugaverð mál):
Samgöngumál: Sjálfstæðisflokkurinn telur mikilvægt að nýta til hlítar nýja möguleika á fjármögnun samgöngumannvirkja, s.s. gjaldtöku og einkaframkvæmd.

Aldraðir: Bæta kjör þeirra ellilífeyrisþega sem verst eru settir fjárhagslega um því að ríkissjóður tryggi ellilífeyrisþegum að lágmarki 25.000 kr. á mánuði úr lífeyrissjóði til hliðar við greiðslur frá Tryggingarstofnun ríkisins.

Efnahagsmál: Fella niður almenna tolla og lækka enn frekar vörugjöld á innflutningi en vinna að lækkun tolla á landbúnaðarvörum í samræmi við alþjóðasamþykktir. Ásamt því að lækka skatta ennfrekar gg fella niður stimpilgjöld.

Umhverfismál: Sjálfstæðisflokkurinn vill að efnahagslegir hvatar verði notaðir í ríkari mæli til að ýta undir almenna notkun vistvænna ökutækja. Og Sjálfstæðisflokkurinn vill halda fullveldisrétti íslensku þjóðarinnar yfir náttúruauðlindum óskoruðum. Sjálfstæðisflokkuinn telur að skynsamleg og hagkvæm nýting náttúruauðlinda Íslands verði best tryggð með því að nýtingar- og afnotarétturinn sé í höndum einstaklinga.

Margir hafa staðhæft það að lífið á Íslandi sé ekki eins gott og sjálfstæðisflokkurinn vill láta halda. Eftirfarandi punkta er hægt að finna á heimasíðu Sjálfstæðisflokksins:
 Hagvöxtur hefur verið um 4,5% á ári að meðaltali frá 1996 (Rétt)

Alls ekki slæmar staðreyndir EN hvernig er þessum málum annarstaðar farið? Eftir minni bestu vitund þá eru svipaðar tölur í hinum norðurlöndunum þó svo að atvinnuleysi hafi mælst aðeins meira og hagvöxtur örlítið lægri. Finnar eru t.d. búnir að vera í svipaðri uppsveiflu og við enda voru þeir líkt og Ísland seinir að taka við sér í efnahagsmálum. Því spyr ég, Gat ekki hvaða flokkur sem er náð þessum árangri? Ég er ekki verðugur þess að svara þessari spurningu og mun svar við henni eflaust aldrei koma í ljós þar sem tíminn einn leiðir í ljós framgang lífsins.
Einnig má geta þess að aðalmarkmið Seðlabankans og í raun ríkisstjórna er að halda hagsveiflum í lágmarki! Hefur það tekist? Svarið er augljóslega NEI. Mikill hagvöxtur með mikill þenslu og svo samdráttarskeið (spurning hversu mikið mun koma núna) hafa einkennt Ísland síðan Sjálfstæðismenn komust til valda. hagvöxturinn hefur verið knúinn áfram áð stóriðju og ríkið hefur ekki dregið nægjanlega úr eyðslu sinni á sama tíma.

Einnig má geta þess að mun erfiðara er í dag fyrir ungt fólk að koma undir sig fótunum heldur en það var fyrir nokkrum árum! Ekki það að það sé svo há vaxta% á Íslandi eða að bankarnir séu ekki tilbúnir að lána, þetta ástand skýrist aðalega af 2 þáttum þ.e. Mikilli verðbólgu og miklum þrýstingi á húsnæðismarkaðnum sem hefur validið gífurlegir hækkun á íbúðarverði! Ríkisstjórnin á sinn þátt í þessu og tími til komin að skoða hvort afnema megi verðtrygginguna, þó með vitsamlegri varúð.

Áður hef ég gagnrýnt leiðtoga Samfylkingunnar fyrir að "svíkja" kjósendur sína og yfirgefa borgina, kemst ég því ekki undan því að bauna á fyrrum bæjarstjóra Akureyrar og efsta mann á lista Sjálfstæðismanna í norð-austur kjördæmi. Ég var jú einn af þeim sem fékk loforð sent heim í pósti sem var svo fljótlega eftir kosningar brotið! Skamm skamm Krsitján, svona gera ekki alvöru leiðtogar. Með aðra aðalmenn Sjálfstæðisflokksins má nefna Geir sem ég hef enn fulla trú á. Þorgerður virkar einnig góð og tel ég hana hafa staðið sig með ágætum sem ráðherra, meiri vafi er í mínum huga með Árna M. og vildi ég persónulega hafa einhvern annan í fjármálaráðuneytinu. Að lokum í þessari upptalningu má alls ekki gleyma þeirri vitleysu að glæpamaður sé á leiðinni á þing! Ætli þeir verði ekki búnir að setja hann fljótlega í nefndina sem mun sjá um hátæknisjúkrahúsið?!?! Góð leið til að innrétta vestmannaeyjar uppá nýtt!

Sem hægri flokkur þá skil ég í raun ekki hversu langt flokkurinn er komin til vinstri (ef hægt er að tala um vinstri og hægri stefnur á Íslandi) en í raun þá er þessi gamli hægri flokkur komin á miðjuna þar sem ríkið sér um hina ýmsu þjónustu og er kannski besta dæmið um það að ríkisútgjöld hafa margfaldast og þáttaka ríkissins í mennta og heilbrigðismálum búin að aukast tölvert (þrátt fyrir það virðist alltaf þörfin aukast mun meira fyrir þeirri þjónustu). Ríkið hefur oft reynt að hjálpa landanum t.d. með minka búum, laxeldi osfrv. og eflaust spurja margir hægri-Sjálfstæðismenn sig að því hvort þetta sé rétta leiðin?!?

Hægt væri að fjalla um mörg mál í viðbót tengd Sjálfstæðsflokknum en undirritaður hefur hvorki dug né þor til að gagnrýna flokkinn frekar en hann hefur gert hér að ofan.

Niðurstaða: Flokkurinn er rótgróinn inn í Íslenskt þjóðfélag. Ágætlega traustur flokkur sem hægt er að treysta til að leiða þjóðarskútuna ÞÓ alltaf megi gera betur og í raun mættu þeir oftar hlusta á ráðgjafa sína og Seðlabankann. Sjálfstæðisflokkurinn hefur innan sinna raða góða einstaklinga sem eru vel hæfir (þó eru þar eins og í flestum flokkum Úlfar sem betra væri að þeir myndu vera í öðru en að stjórna þjóðarskútunni). Sjálfstæðismenn munu eflaust fá um 40% atkvæða á landsvísu og mjög líklega ná 20. árinu í ríkisstjórn.

Næst mun koma samantekt yfir flokkana og að lokum munu lesendur góðir kjósa, allavega flestir hverjir.

Helgi Már

Oft hefur maður heyrt gagnrýni á foringjadýrkun hjá Sjálfstæðisflokknum en ef eitthvað er þá er hún meiri hjá Vinstri Grænum! Ég meina hver kemst nálægt Steingrími? Ekki Ögmundur og alls Ekki Kolbrún!?! Að mínu mati þá er Steingrímur alls ekki slæmur, hann er jú vel mælskur og er farin að sætta sig við ýmsar hugmyndir sem myndu frekar flokkast til hægri sem skoðanir og því er hann í raun ekkert svo langt Vinstri leiddur eins og margir hafa talið hann. Þessar hægri skoðanir sem ég er að tala um eru m.a. að ríkið eigi á búa til umhverfi til að efla atvinnu en ekki endilega sjá sjálf um að skapa atvinnuna.

VG hafa verið að mælast jafn stórir og jafnvel stærri flokkur en samfylkiningin í síðustu skoðannakönnunum og býst ég fastlega við því að samfylkingin líti til þess hvað VG sem jafnarflokkur sé að gera betur heldur en þau "aðal" jafnarflokkurinn!

Málefnin eru flest svipuð og eiga að stuðla að auknu jafnræði og leggja báðir flokkar áherslu á að jafna laun og stöðu kynjanna. Kannski ekki óeðlilegt að konur kjósa frekar til vinstri heldur en hægri.... (gæti komið með skot að það þyrfti að hjálpa konum sérstaklega en þeim finnist þær aldrei fá nóg og því muni þær alltaf leita þangað sem þær telja að mesta hjálp sé að finna! EN ég ætla ekki að segja þetta þar sem það gæti verið túlkað sem karlremba!?!)

Helstu stefnumál hjá VG þekkja eflaust flestir en til upprifjunar þá eru hér aðalflokkarnir þeirra:

Félagslegt réttlæti

Græn framtíð

Kvenfrelsi

Menntun fyrir alla

Öflugar byggðir

Efnahagslegur stöðugleiki

Lýðræði, þátttaka og menning

Ný utanríkisstefna

Kannski skýrir þetta ekki nóg en það sýnir allavega hvað leið þeir vilja stefna... þó vakti sérstaka athygli mína stefna þeirra í kvenfrelsi en þar var meðal annars í stefnu þeirra :
Hækka laun þeirra stétta þar sem konur eru fjölmennar! Humm jæja ok.
Tryggja Kynfrelsi með lögum????? hvað meina þau!?!?
Auka framlög til rannsókna á kynjafræðum! Humm jæja
Kenna á öllum skólastigum kynjafræði! ( ég hélt að lífsleikni væri það eina sem maður yrði kvalinn í)

Eins og ég hef áður sagt þá mun ég ekki dirfast að vera karlremba og mun því ekki skoða kvenfrelsi VG meira og hvað þá að ég muni gagnrýna það á einn eða annan hátt

Þó er ekki allt alslæmt og VG hafa sýn málefni sem undirritaður er nokkuð sammála en þeir segjas m.a. vilja að frumkvæði einstaklinga og sköpunarkraftur fái að njóta sín. Þeir vilja skapa hagstæðari rekstrarskilyrði fyrir lítil og meðalstór fyrirtæki. Byggja upp hátækni- og þekkingargreinar með því að styrkja rannsóknir og nám á háskólastigi um land allt og efla samkeppnissjóði. Einnig vilja þeir slá á þensluna með því að stöðva frekari stóriðjuframkvæmdir og erlenda skuldasöfnun, einnig að ná niður viðskiptahallanum, lækka vexti, draga úr verðbólgu og jafna gengissveiflur. Það þarf þó að taka orð Steingríms til athugunar þar sem stefna flokksins er í raun að sröðva stóriðjuframkvæmdir en þó virðist að hann vilji fá álver á Húsavík! (Allavega hef heimildir mínar segi rétt frá!)

Þrátt fyrir orð þeirra að þau vilji efna atvinnulífið þá lét Ögmundur það útúr sér að hann vildi helst losna við bankana þar sem þeir skapi svo mikinn ójöfnuð! Jæja hvað skal segja? Ögmundur veit greinilega ekkert hvaðan peningarnir koma sem eru í ríkiskassanum sem jú heldur uppi Landsspítalanum , Tryggingarkerfinu og Menntakerfinu! Flott að henda þeim úr landi og minnka tekjur ríkissjóðs verulega, þess má geta að bankakerfið skilar álika miklum tekjum til ríkisjóðs og sjávarútvegurinn (gæti meira segja skilað aðeins meiru ef mig minnir rétt) þannig að ættum við ekki bara að losa okkur við Sjávarútveginn frekar? verndum allavega nátturna!??!? Þetta er nú álika gáfulegt!

Ásamt þessu þá segi ég nú bara, viljum við búa í landi þar sem einhverjir eru mjög ríkir, flestir hafa það gott og aðrir eru fátækir EÐA búa í landi þar sem ALLIR eru JAFN fátækir??? 

Mín skoðun: Ágætur flokkur sem hefur ágæt málefni en oft á tíðum þá skil ég ekki alveg hvert þeir eru að fara (aðalega þegar extream hugmyndir þeirra koma fram sem jafna mætti við öfga vinstri hugsanir). Einnig get ég ekki á nokkurn hátt séð Ögmund fyrir mér sem ráðherra! Hver ætti að vera formaður BSRB t.d.!?!ég bara spyr! Flokkurinn mun þó eflaust ná góðu fylgi og fá rétt yfir 20% en verða vonandi ekki í ríkisstjórn þar sem ég einfaldlega treysti þeim ekki til að leiða þjóðarskútuna, svo einfalt er það.

Næst mun koma ja ekki svo mikil lofræða um sjálfstæðisflokkin!

Að þessu sögðu þá gef ég lesendum orðið en vil þó biðja lesendur að gæta hófs í skrifum sínum og kynjablót er strangbrannað

Jæja nú er komið að heldri borgurum okkar þjóðar... eða hagsmunasamtökum í kringum þá.
Nú verð ég bara að viðurkenna það að ég veit bara ekkert hvernig staðan er hjá þeim, þ.e. hvort þeir ætli að bjóða fram. Allavega hafa þeir ekki enn birt neina lista og eru því á seinasta snúning (ekki þá bara vegna aldurs). Sökum þessa þá mun ég hafa þetta stutt og laggott.

Málefnin sem þeir hafa lagt aðaláherslu á ( þá miða ég við það sem þeir hafa sagt í fréttum) eru málefni þeirra, þ.e. betri kjör fyrir aldraða m.a. með því að afnema tekjutenginu bóta, fjölgun sjúkrarýma og í raun betri aðstöðu fyrir "gamla" fólkið. Ekki ætla ég mótmæla þessum málefnum og segja að þeirra sé ekki þörf, þetta er jú fólkið sem byggði upp landið. Ég er þó ekki viss um að sérframboð aldraðra sé það besta sem þeir geti gert! Mjög ólíklegt er að það nái nógu mörgum atkvæðum til að koma manni á þing og ef svo vildi til að 1 maður/kona kæmist inn þá breytti hann að öllum líkindum mjög litlu. Ég er því frekar á þeirri skoðun að gamlingjarnir eigi að berjast innan þeirra flokka sem eru til og krefjast þar betri réttinda.

Ég hef stundum þá tilfinningu að þingmannadraumurinn leynist víða meðal fólks og grunar mig að margir sem hyggjast stofna nýjan flokk og vilja komast á þing séu einmitt að reyna að upplifa sinn draum. Kommon er þetta rétta leiðin?!? Efast um að þetta fólk sé einungis að gera þetta fyrir hugsunina og muni því einungis vera til sýnis á þinginu í stað þess að berjast fyrir þá sem kusu þau, þ.e. gamla fólkið!

Vil þó benda á það að ég tel enga mögleika á því að þau nái inn manni þ.e. EF þau bjóða fram! og eyði því ekki meira púðri í þau, en vil endilega fá góða umræðu og e.f.t.v meiri fróðleik um stöðu mála hjá heldra fólkinu okkar.

 

Já hver man ekki eftir Ómari á þeim tíma þegar hann þeytti hita og rigningarspjöldunum á íslandskortið líkt og það skipti engu hvar tölurnar komu niður? Allavega man ég vel eftir því og hafði mjög gaman af. Nú hefur kallinn ákveðið að stofna umhverfissinnaðann mið-hægri flokk og vill stuðla að aukinni umhverfishugsun meðal landans. Svo sem fínt mál en ég er ekki viss um að hann taki einungis atkvæði frá mið og hægri flokkunum heldur tel ég að jafnvel samfylkingin fari verst útúr þessu. Margir gætu hugsað sér að vinstri grænir muni tapa líka en ég tel svo ekki vera og byggi ég þá skoðun á 1 hlut! Þó svo að Ómar sé flottur þá skákar hann ekki Steingrími.

Eins og ég sagði þá eru málefnin í sjálfu sér ágæt og kallinn má eiga það að hann hefur ALLTAF svör tiltæk en ég læt ósagt látið hversu "góð" þau eru. Hér eru helstu málefni þeirra :

1. Ábyrg umhverfisstefna
2. Fjölbreytt og skapandi atvinnulíf
3. Sveigjanlegt velferðarkerfi eykur samfélagsþátttöku og lífsgæði
4. Menntun tryggir samkeppnishæfni og velferð og gerir lífið skemmtilegt
5. Landið er ein heild
6. Ísland – lýðræði og opið þjóðskipulag
   
   

Þrátt fyrir þessi málefni þá trúi ég því ekki að t.d. Margrét Sverris hafi sömu skoðanir og hvað þá hennar fólk, það virðist jú að fyrst hafi komist skriður á þetta framboð Ómars eftir að Margréti var úthýst úr frjálslyndaflokknum, mér lýst ekki á þannig gerninga. Spurning hversu margir stuðningsmenn Margrétar eru en flokkurinn mælist með rétt um 5% atkvæða og virðist vera örlítið að sækja í sig veðrið.

Einnig er skemmtilegt að minnast á tal Ómars um að hann vildi frekar Kjarnorkuver! Félagi minn var þó á því að Ómar hafi nú alls ekki viljað kjarnorkuver heldur hafi í rauninni misst þetta útúr sér er verið var að ræða um möguleika Íslands vs. þá leið sem Finnar fóru.

ásamt þessu þá finnst mér að efnahagsmál verði einnig mikið í umræðunni og eru þau oft á tíðum ansi hægri sinnuð líkt og félagi minn hann Sigurður bendir á í bloggi sínu, þ.e. að vinstri flokkarnir vilji lækka skatta (kjósendurnir) og það sé nú ekki mjög vinstri legt! Ég bendi á þetta þar sem íslandshreyfingin er einnig á því( t.d. matatskattarnir og stimpilgjöldin) og í rauninni tel ég að flokkurinn muni fá fylgið sitt að mestu frá "vinstri" sinnuðum kjósendum sem vilja leggja þessum góðkunna íslandsvin lið.

Í skoðun minni á vefsíðu Ísandshreyfingarinnar rakst ég á mjög athgylisverðan punkt og er ég í raun mjög sammála en hann er að ráðherrar megi ekki einnig vera þingmenn! Þetta er mál sem ég hef lengi talið fáranlegt á Íslandi sér í lagi þar sem þrískipting ríkisvaldsins á að vera algjör.

Mín skoðun: kostirnir eru að flokkurinn hefur ágæt málefni þó að á tíðum séu þau nokkuð framúrstefnuleg (allavega miðað við svör Ómars). Helsti "gallinn" við framboðið er að þeim vantar fleiri þekkt nöfn! Hafa í rauninni bara Ómar, Margréti og Jakob en hver veit t.d. hver Hörður Ingólfson er????. Einnig má benda á að loforð flokksins eru ansi mörg og spurning hvað allt saman kostar ,sérstaklega þegar litið er á áform þeirra um að hækka skattleysismörkin osfrv. ásamt því að bæta þjónustu all verulega.
Þegar á heildina er litið þá er framboðið fínt fyrir hægri en slæmt fyrir vinstri flokkana. Hef trú á því að Ómar komist inn og verði með skæting á þinginu! Magnað

Fyrir áhugasama þá er hér slóðin á síðu Íslandshreyfingu Ómars:
http://www.islandshreyfingin.is

Fyrst ber að nefna það að framsóknar maðurinn sem ég þekki hefur ekki enn kommentað á framsóknar umræðu mína! skamm skamm helgi P!

En snúum okkur að frjálslynda flokknum. Hvað getur maður sagt eiginlega? Þeir mældust með um og yfir 10 % fylgi í haust eftir að þeir lýstu yfir mótmælum gegn innflytjenda stefnu stjórnvalda og fegnu þar góðan meðbyr eða svo virtist vera. Eftir að nær hefur dregið kosningum þá hefur fylgi þeirra hrunið og virðist vera að þeir nái aðeins inn 3 þingmönnum og það tæpt. Málefnin sem þeir styðja hvað mest eru:

Stopp við innflytjendur og setja höft á komu þeirra til landssins. þó reynar þeir að fegra málið með að segja berjumt gegn misrétti á erlendu vinnuafli... þeir meina í raun bara STOPP á erlent vinnuafl og það vita kjósendur!

Kvótamálin sem flest allir þekkja(virðist sem enginn hlusti á þá nema einhverjir örfáir sjómenn og færeyingar)

og svo það nýjasta að þeir vilja hjálpa gamla fólkinu , lýkt og flestir flokkarnir eru með á stefnu skrá sinni.

Þó vil ég hrósa þeim fyrir málefni Rvk flugvallar en þeir vilja halda honum í vatnsmýrinni og finnst mér það gott mál. Með skattleysismörkin í 112.000 er einnig fínt mál, en svo virðist sem flestir séu á því að þau þurfi að hækka ( minnir að þau séu rétt um 94.000 í dag) svo að þetta ætti að koma "fátækum" vel til handa.

 Að lokum með málefnin þá verð ég að tjá mig um verðtrygginguna en þeir vilja afnema hana... gæti eitt miklu púðri í það en læt nægja að segja að það er löngu komin tími til að afnema hana EN þó verður að fara varlega enda er íslendingar Heimsmeistarar í að auka neyslu sína gífurlega ef þeir hafa möguleika á því og mundu eflaust margir sjá sér leik á borði, enda munu lánin ekki hækka um trillón líkt og lánin gera í dag! 

Ásamt þessu þá eru þeir með fleiri "minni" málefni en svo virðist sem þetta séu þeirra helstu og virkar það svo Ands,,,, vel að þeir er að missa fylgi hægri vinstri í bókstaflegri merkingu. Eftir að þeir sameinuðust nýju afli þá færðust allir Nýs afls menn yfir og m.a. góðdrykkfeldur félagi minn með og virðist svo vera að margir þeirra hafi gengið úr flokknum ásamt "fólkinu" hans Sverris ( þá sérstaklega eftir að Margét Sverris fór). Guðjón Agnar er í sjálfu sér ágætis leiðtogi en ég meina hver skákar Sverri? Ekki getur Guðjón boðið fólki í laxveiði!

Einnig þá hafa þingmenn komið og farið í flokkinn. Fengu Kristinn H og Valdimar en misstu hinn mikla skákmann Gunnar Örlyggson yfir til sjálfstæðisflokksins og er ég á því að þessi umskipti hafi styrtk flokkinn og ef þeir hefðu ekki komið og farið þá hefði flokkurinn varla verið mælanlegur! Hver annar en Kristinn mun styðja flokkinn í öllum sínum málum? ég bara spyr?!?

Nenni varla að ræða um málefni þeirra hvað varðar útlendinga, það voru jú ekki útlendingarnir sem stuðluðu að aukningu hagvaxtar og héldu verðbólgu niðri á síðasta ári! eða hvað frjálslyndu menn!!! Las einmitt grein eftir Kristinn þar sem hann kenndi útlendingum um verðbólguna og því mæli ég með að hann lesi sér betur til um örsakir verðbólgu OG HAGVAXTAR. Leyfi kjósendum mínum að koma með frekar gagnrýni á stefnu þeirra hvað varðar útlendinga. Einnig nenni ég ekki að ræða um kvótamálin enda nennir því engin þar sem kerfið er hvort sem er í ásættanlegu ásikomulagi!

 

Niðurstaða, Frjálslyndi flokkurinn er alls ekkert frjálslyndur... ég segir 5 % á landsvísu MAX og þeir ná inn 3-4 mönnum, deyja svo út vegna deilna eftir næsta kjörtímabil!

Næst kemur Íslandshreyfingin með Ómar nr. 1.2.3.4.5

 

Framsókn nr. 1 framsókn nr.2 framsókn nr. 1,2,3,4,5,6.... osfrv. hefur eflaust einhvern tímann heyrst EN í dag? Nja frekar, er einhver í framsókn? Fyrsta boð! Annað boð? Þriðja boð ?!? Engin sem býður sig fram! Jæja náum þá bara í rútuna og förum uppá elliheimili að smala! Svona get ég ímyndað mér að framsókn muni haga sér á sjálfan kosningardaginn.

 

Ég og eflaust margir aðrir hafa vellt því fyrir sér afhverju framsókn mælist með svona lítið fylgi í skoðunarkönnunum miðað við það sem þeir fá svo í kosningum og ég held að ég hafi fundið svarið!!! Er það ekki bara vegna þess að það vill nánast enginn viðurkenna það fyrir nokkrum manni að hann/hún ætli að kjósa framsókn og nýti sér því hina miklu leynd sem er í kjörklefanum!?!? Aldrei myndi ég viðurkenna það allavega og þetta getur útskýrt þann mun sem er á fylgi framsóknar í könnunum og svo á sjálfan kjördag.

 

Undanfarið hafa skoðannakannarir leitt það í ljós að fylgi framsóknar er að hverfa miðað við gamla tíma. Í vestmannaeyjum mælist fylgið 2.8% , og á suðurlandi er það svo farið úr rétt tæpum 24% í tæp 12% og það í einu “sterkasta” vígi framsóknar og það sem kemur sérstaklega á óvart er að þetta er ríkidæmi Guðna Ágústsonar! Kannski hefur Árni J.  bara meiri persónutöfra hver veit. Þess má einnig geta að fylgið er ekki bara að hrynja á suðurlandi því norð-austur kjördæmið virðist vera að snúast all rosalega frá framsóknarmönnum og ná þeir skv. skoðannakönnun “aðeins” inn einum manni en áður voru það þrír menn! Magnað!

 

Þegar ég hugsa um  þau málefni sem framsókn leggur mesta áherslu á þá er það fyrsta sem mér dettur í hug auglýsing þeirra um að setja ekki stopp á stóriðju... ágætt málefni en þeir verða nú að átta sig á því að stóriðja er ekki eina leiðin til að halda hagvexti og svo annað að það er ekki alltaf hægt að hafa bullandi hagvöxt og þenslu! Einhvern tímann þarf hagkerfið að kólna og snýst góð hagstjórn útá það að hafa hagsveiflurnar sem minnstar en ekki að hafa ENGAR hagsveiflur! Þeir/þær læra þetta vonandi áður en þau  verða öll komin á elliheimili. Ennfremur er hægt að treysta þeim til að vera í ríkistjórn? Láta þeir ekki undan öllu sem hinn flokkurinn segir og gerir? Mitt svar er nei, enda munu framsóknarmenn ekki segja STOPP er það nokkuð? Einnig eru þeir búnir að missa viltasta þingmanninn og það boðar nú aldrei gott.

 

Önnur málefni sem framókn hefur í fyrirrúmi eru í sjálfu sér ágæt en eins og ég hef áður minnst á þá eru þetta flest öll loforð sem er ekkert víst að framsókn eða annar flokkur standi endilega við! Einnig þá leiða öll loforð ekki til góðs og er þá gott að minnast á loforð framsóknar um hærri lán íbúðarlánasjóðs til íbúðarkaupa! en ef ég man það rétt þá var lánshlutfallið hækkað í 90% og má benda á það sem einn af orsakavöldum þess að íbúðarverð og verðbólga rauk upp! Magnað....

 

Þau málefni sem ég fann á síðu þeirra er t.d.:

Lækka vsk af lyfjum og barnavörum: Jákvætt en þó tekjuskerðandi fyrir ríkið.

Hækka aldur vegna tannverndar til 18:Jákvætt en þó tekjuskerðandi fyrir tíkið

Sveigjanleg starfslok á vinnumarkaðnum: vel útskýrt humm....

Lengja fæðingarorlof í 12 mánuðuði: eigum við ekki bara alltaf að vera í orlofi?

Lán íbúðarlánasjóðs miðuð við fasteignarmat í stað brunabótarmats: Myndi fara varlega að breyta kerfinu aftur, gæti skapað ennfrekari hækkun á húsnæðisverði!

Gjaldfrjáls leikskóli: Sér ríkið um rekstur leikskóla? Nei hélt ekki...

Vaxta og húsaleigubætur verði hækkaðar: heyr heyr, hvað kostar það samt?

Leita leiða til að auka nýliðun í bændastétt: JESS loksins!
Byggja fangelsi: fangelsum sem flesta í flottum fangelsum

Ofl sem hægt er að kynna sér en held ég sé komin með nóg enda er þetta bara brot af þeim loforðum/stefnum sem þeir setja fram! Magnað!

 

 

Endilega kynnið ykkur flokkinn betur á: framsokn.is eða eins og ég vil kalla síðuna elliheimili.is

 

Niðurstaða: Elsti flokkur landsins sem er að deyja út, er í dauðakippunum en reynir þó að kaupa atkvæði með loforðum og hræðsluáróðri um að ekki megi segja Stopp! Nýr formaður sýnir greinilega hvernig flokkurinn er þ.e. gamall og líflaus.....

Fær max 13% og mun EKKI vera í ríkistjórn eftir þetta kjörtímabil þrátt fyrir að “stjórnin” haldi velli!

 

Ég vil endilega fá komment frá þeim sem lásu hingað niður enda sýnir það hvað þeir hafa ekkert annað með tíman að gera!

 

Svo að lokum þá er gott að koma með smá Guðna: þar sem framsóknarmaður er, þar er gaman! þar sem 2 framsóknarmenn koma saman, þar er party! Þar sem fleiri framsóknarmenn koma saman, þar er kirkjugarður!

 

Næst er það Frjálslyndi flokkurinn, lofa þó engu hvenær sú umræða kemur enda er ég upptekin maður...

Get ekki annað sagt en yndislegt þegar kosningaár er, allt á fullu hjá öllum stjórnmálaflokkum, nýjir flokkar eru stofnaðir og "bestu" loforðin eru gefin, elska þetta.

Nú mun koma nýr liður sem heitir, Allt er svo yndislegt og byrjum á samfylkingunni 

Ég dýrka sérstaklega allt þetta samfylkingarfólk sem er svo ánægt, það gengur jú allt svo vel, Ingibjörg brosir, yndislegt. Össur brosir, ennþá meira, og í rauninni brosa allir sem er í samfylkingunni!

Það ætti kanski að banka aðeins í þetta fólk og benda þeim á að þau eru með rétt um 20% fylgi og mun það eflaust ekki brosa eins mikið eftir kosningar, allavega ekki ef úrslit kosninga munu fara á sama veg og skoðannakannanir gefa til kynna, Ynislegt!

Ekki eru það stefnumálin sem eru "slæm" en ég mein hver vill ekki fá Ingibjörgu sem forsætisráðherr?!? ég bara spyr....einnig vill samfylkingin  koma stjórn á hinn slæma rekstur ríkissjóðs! það er allt gott og blessað EN þeir gera það ekki ef þeir uppfylla öll sín loforð og því segi ég skamm skamm og svei svei, farið undir vask og þvoið brosið af ykkur! Það er grimdin sem fær atkvæðin eða eins og Guðni Ágússton myndi segja: það eru ekki kýrnar sem jarma! það eru kjósendurnir.

 Á morgun, já á morgun, mun ég fjalla aðeins um framsókn ....allt fyrir Helga framsóknar mann númer 15 ( eru reyndar bara um 30 þannig að það má segja að hann sé af fámennum kynstofni)

Ég fór á ansi skemmtilega leiðinlegan málfund í dag. Það skemmtilega var náttla umræðuefnið en það leiðinlega var að umræðan komst ekki á nægjanlegt skrið! Ég bjóst allavega við mun líflegri umræðum en verð bara að sætta mig við þetta enda var ég hvort sem er ekkert að blanda mér inní þetta.

Þó fannst mér athyglisvert að það gera nánast allir ráð fyrir því að það sé bara nauðbeygðar konur sem stunda vændi! Ég tel það rangt! Það hljóta að vera einhverjar sem sjá sér leik á borði og nýta sér sakleysi karlanna og þeirra sem eiga litla sem enga möguleika á að ná í konu eins og flestir ná. Einnig tel ég að með því að "Lögleiða" vændi (meira en áður) þá muni allavega hættan á því að fleiri muni fara að stunda þetta! Allavega þær sem eiga erfitt með að halda 9 til 5 vinnunni.

 Jæja vil ekki hætta mér of langt útá þennan ís.

Jæja helgin að klárast og búið að vera brjálað að gera.

 

Fyrst ber að minnast á snildarleik Man utd-Bolton þar sem man utd menn létu bolton leikmennina líta út fyrir að vera 3.deildarlið. 4-1 og aðeins ódýr vítaspyrnudómur ógnaði marki United.
Svo er maður ánægður með byrjunina á formúlunni en Kimi fyrir Ferrari endaði í fyrsta sæti... en ég á reyndar enn eftir að "velja" mér ökumann til að halda með eftir að Schumacher hætti, valið stendur á milli Massa og Kimi en ég hef alltaf talið að það sé bara hægt að halda með 1 liði, 1 ökumanni og hinn ökumaðurinn í liðinu er eiginlega bara aukaleikar sem má styðja en alls ekki halda með. Tek ákvörðun fljótlega en ég þarf að lesa meira um þá félaga svo maður þekki innviðið betur. 

 Fór áðan og horfði á leik Stjörnunnar og Ka í kvennahandboltanum en þar var systir mín að spila en þær töpuðu reyndar en hún stóð sig vel og setti 4 kvikindi. 

 Næsta vika verður strembin en það er próf, verkefni og FM.

 Nenni ekki að fjalla um pólitík núna en það mun koma þegar nær dregur kosningarnar. En talandi um það þá þarf ég í fyrsta skiptið á ævinni að greiða utan kjörstaða þar sem ég mun vera fyrir sunnan í prófi er kosningarnar fara fram þann 12. maí.

Nú langar mig að athuga hvað kvikmyndasmekk fólkið hefur sem heimsækir þessa síðu! ( býst við allavega 2 svörum!)

Reglan er einföld, skrifa niður fyrstu 5 myndirnar sem maður man eftir og metur þær sem bestur myndirnar... ekki er ætlast til að hugsað sé lengur en í 1 mínútu!
Hér kemur listinn minn!

1. Godfather part 1
2. Batman begins
3. StarWars V Empire strikes back
4. Taxi I
5. Indiana Jones 3, the last Crusade

Einnig er fjölmargar góðar en því miður komast þær ekki á listann minn
jæja hvað segið þið?

Ég frétti það í dag að Sjoppan í HR er Skólamötuneyti! það virðist allavega vera ef litið er á kassastrimilinn sem maður fær reyndar aldrei frá þeim! (þurfti að biðja sérstaklega um strimilinn og það tók víst nokkrar mínútur að sjá út hvernig sú aðgerð væri gerð í kassanum) Einnig eru víst lögin mjög rúm hvað varðar að falla undir Skólamötuneyti.... en fyrir þá sem ekki vita þá þurfa skólamötuenyti ekki að leggja virðisaukaskatt á vöru sína og því ÆTTI varan að vera ekki eins dýr! Það er þó ekki þannig í Bauninni og frekar mætti halda að það væru sérstök skólagjöld á hverri vöru sem keypt er þaðan.

Annars er lítið að frétta nema að það styttist í fyrstu leiki Hamranna á þessu ári, magnað.